كتب جوجو:
السـلام عليكم ورحمة الله وبركاته
وردني خبر عن وجود صوره لـ ولي عهدنا سمو الشيخ نواف الاحمد الجابر الصباح
في احدى المدارس الحكوميه الكويتيه في منطقة الروضه
وبقول اسمها .. احنا مدونون كويتين فينا غيره على بلدنا وعلى الي قاعد يصير
ف ما راح نسكت ونتكتم على اي شي
اسم المدرسه " آبن الاثير "
توجهت الى مكان الصوره وقمت بتصويرها .. والطلبه كلهم يدرون بتواجدها
فـ صرح واحد قال ياخي قلنا حق الناظر ولا دار لنا بال ...
اصبحت صورة ولي عهدنا صفحه لذكريات البعض ؟ من الطلبه
علماً بأن المدرسه تحتظن طلبه من الصف الخامس لغاية التاسع
يعني فاهم !! مو حي الله
وهذي فعله فعلة واحد بيضحك ربعه
وين دور المشرفين ؟ وين دور الطلبه ؟ علما بأن الصوره
بجانب غرفة مشرفين القسم ؟ شالاهمال ؟
عتبي على وزارة التربيه لم تقوم بعملية تفتيشيه على بعض المدارس الحكوميه
والعتب على مشرفين المدرسه
لازم الكل يتحاسب ؟ احنا ولي عهدنا يشخبطون على صورته ؟؟ وهذولي احدى رجال البلد الي نكن لهم كل احترام وتقدير حتى لـ صورهم بغيابهم ؟ احتراماً لسموهم وعطائهم وخيرهم
اناشد الناظر .. اقوله سوائن ناظر المسائي او الصباحي
الى حد علمي بآن المدرسه تحتضن طلبه مسائي
يا اخي خل مشرفينك يشيلون الصوره
انتبه على طلبتك ؟ انته استاذ لأجيال ؟
ااجيال مدرستك يسوون جذي عيل انت اسمحلي صفر ؟
والطلبه يقولون قاعدين يكلمونك وتهمل الموضوع
لا تهمله وشوف كلم مشرفينك واساتذتك الي عندك بالمدرسه الي قاعدين يبلعون بلع
قولهم يشيلون صورة ولي عهدنا الي موقعين عليها وكاتبين ذكرى واساميهم ومشخبطين
خل فيك غيره على وطنك
مو بس تبلع بهالمعاش وتنام
والي له اي صله في هالموضوع لازم يتحاسب
حرك نفسك ؟؟ مو زقاير وحاط ريل على ريل
انته فتش الاقسام بنفسك ؟
ان شاء الله تتجاوب
........
اللهم احفظ بلادنا من كل مكروه واحفظنا يارب العالمين
والله يخلي لنا اميرنا .. وولي عهدنا ولا يحرمنا منهم ويطول بعمارهم يارب
وبالاخير
الله , الوطن , الامير
وتحيا الكويت
1 comments:
بارك الله فيك كفيت ووفيت
إرسال تعليق